逆風(Resist)訂製耳機之咩叫良心品質同誠意?(Part5)

有用過入耳式耳機既朋友(特別係純動鐵設計),相信都試過係戴入耳既時候,feel到一種令人不適既氣壓,局促既感覺,令到部份朋友討厭使用!
如果你用入耳式用得好自然,仿如冇隔音的話,好大機會係對耳機根本唔岩戴,漏晒聲又唔隔音而己。。。
良好配戴既入耳式耳機,隔音效果出眾,低音強勁,的確令人又愛又恨😂
講到個人訂製耳機,哩種耳機可稱為入耳式既一種,因為度耳訂製,同用戶耳形幾乎一致,所以本身既密閉性同貼合度,都比一般通用型耳機更好,所以,如果本身設計上冇做到"耳壓平衡"的話,配戴時既不適感會更強,長期使用,只會更易疲勞!
有見及此,我地既逆風(Resist)係設計上,就係內部聲學結構內,加入一般訂製耳機少見,只有極少數高級、貴價耳機先有既"入耳氣壓平衡"設計,可以自動調節用家戴入耳時,耳道內既氣壓之餘,亦可以令到整體聲音更平衡,低音質感、空氣感更強!長期使用都唔會不適同埋整體既戴配感覺更自然舒服!
以上設計既優點,歡迎大家親身到門市感受下架😁

發表留言

請注意,留言須先通過審核才會發佈

Liquid error: Could not find asset snippets/sh_cfm-theme-snippet.liquid