耳機業界唔想大家知既秘密(part 1) 😲仲有，大家以為助聽器離你好遠？但可能不知不覺已經習慣地用緊。。。

唔知大家有冇諗過，亂食野會影響健康，所以健康飲食、保健品越出越有；亂睇野會傷眼，所以眼鏡舖開到緊有一間係左近！亂呼吸會出事，唔洗講大家都知世界經歷左咩。

奇怪既係，亂聽野，一樣會出事，但咁大件事，竟然冇人講？

更奇怪既係，聽覺一出事，係"不可逆轉"！即係，人類聽覺本身就係一條單程路，隨住年紀增長，一路衰退，唔注意、唔識保養，只會加速衰退，從而產生各種聽覺問題。

作為香港耳機界最早提出"聽覺保護"概念既我地，係２０１９年起，就為我地新出既耳機加入"Hearing Care™ 聽覺呵護"概念技術。

目的就係透過控制耳機過響既頻率，令到用家可以長使間使用，都唔會對聽覺產生嚴重負擔，從而減低聽覺損害。

遺憾既係，單憑我地一間小小既公司，實在無可能抵擋一個已經形成既趨勢。。。來到2023年，我地只可以提前同大家分享，距離＂助聽器＂普及之路，已經正式開始。

咩話 ？好人好姐，我要用助聽器 ?

回想下大家有冇用開自己對TWS真無線耳機既通透模式?即係禁一下就可以聽到外界聲音既功能。

如果有，恭喜，大家已經知道咩叫助聽器了，當然，通透模式同醫療用助聽器唔同既係，彼此既音量及個別設定唔同。

不過，一種叫做OTC (Over the counter)既助聽器，已經開始在外國普及，再加上最新既水果牌無線耳機，將會係音樂耳機內，加入埋助聽器功能，大家就知道，我地絕對唔係同大家吹緊水，嚇緊大家！

今日part1 先分享到哩到，有興趣想睇落去，記得密切留意下啦