［是否要犧牲一整代人，先搵到既答案？！］

首先多謝大家支持，對上個分享［耳機太大聲會聾？！音量細都一樣奶野！］又真係２日就過百Like，所以即刻找數！

先清一清個思維，

大家幾時發現藍光、紫外線會傷眼？

係藍光、紫外線確實傷眼後！

幾時知道吸煙危害健康？係吸煙確實危害健康後！

以上事情發展需時，大家一開始都係半信半疑，但到証實時，已經有一大批人既健康受到傷害

問下自己，你想唔想成為其中一位?！

好彩既係，以上既傷害，係正視同改善問題後，好大機會好得返，但以下既就未必咁好彩！

應該有唔少朋友對我地發表既［亂用耳機會傷耳］、［買耳機變買＂你聾機＂］、［耳機太大聲會聾？！音量細都一樣奶野！］持有懷疑態度，亦可能覺得我地誇大其詞。

唔緊要，反正留比大家對耳既時間已經唔多（世衛講:［到２０５０年，全球會有２５億人對耳出事］），除左耳機，仲有百九幾種噪音同你玩遊戲。

生意佬身體最誠實，發展助聽器已經成為近年我地既業務之一。

內幕資料顯示，助聽器行業近年正在高速發展中，大家想送錢比哩個行業洗，行業會多謝大家！

上回講到，人耳分為２４個頻段（Critical Band 下稱CB）去接收聲音，唔同既CB，接收唔同既頻率。

所以，聽力受損，並不等於２４組CＢ都死晒，只係１組都算聽力受損，死得越多，損得越嚴重。

你聽到既聲，亦越奇怪！越奇怪就越影響健康！

重點:ＣＢ毛細胞死左，目前係冇藥食、冇野醫得返生。機會只得１次！

＂專家＂成日講，聽歌唔好太大聲，成日都係叫人控制音量（Volume)，但幾乎冇人提及過，除左控制音量，更加要控制頻率(Frequency)！

＂專家＂誤以為，大家用緊個對耳機，係全頻音量(Frequency VS Volume)一致既，所以誤以為控制音量，用家就會聽覺健康。

一個問題，一對耳機，假如１０００Ｈｚ（頻率) 係８５ｄＢＳＰＬ（音量），咁請問去到個別人對耳時，３０００Ｈｚ係幾ｄＢＳＰＬ？５０００Ｈｚ～２００００Ｈｚ又如何？

如果有人可以唔洗捉個用家測試都答到以上問題的話，佢已經係近乎神一般既存在好大機會拎到諾貝爾獎

事實係，

１—１００款唔同既耳機，１００款既頻率VS音量比例都唔同。

２—１００對相同既耳機，１００個唔同既用家，有超過１００種唔同既頻率VＳ音量比例。。。

講完以上，相信大家已經知道，除非你無視自己既聽力健康，又或者，大家想犧牲自己，去成就別人。

否則用耳機聽歌，絕對唔係簡單以音量控制就可以解決既事，實際情況比大家想像中既複雜好多、好多、好多！

否則，世界衛生組織，唔會出面警告大家，哩單野，真係好大鑊！

以上問題，是否要犧牲一整代人，先搵到既答案？！

我地認為，非也，因為透過近十年既研究，我地已經大致掌握到如何為個人控制音量ＶＳ頻率。

如果大家想了解更多，比D 支持，過１００ like後，開始分享戲肉！